21 yaşadək futbolçulardan ibarət Azərbaycan millisi bu gün Avropa çempionatının seçmə mərhələsində növbəti oyununa çıxacaq...
PİA.az xəbər verir ki, Milan Obradoviçin komandası Lixtenşteyn millisini qəbul edəcək. “Sumqayıt Arena”da keçiriləcək matça Bakı vaxtı ilə 18:00-da start veriləcək.
Xatırladaq ki, millimiz eyni komandaya səfərdə 1:0 hesabı ilə məğlub olmuş və böyük tənqidlərlə üz-üzə qalmışdı.Onların yeganə qələbəsinin məhz bizim milli üzərində olması haqlı iradlara səbəb olmuşdu. Buna görə 21 yaşlılar dogma meydanda acı məğlubiyyətin əvəzini çıxmağa çalışacaq.
Qeyd edək ki, Lixtenşteyn yığması qrupda keçirdiyi digər üç matçın hamısında uduzub. Komandamızın yeganə qələbəsi isə Slovakiya ilə görüşdə olub. Turnir cədvəlinə 9 xalla İsveçrə liderlik edir, Fransa və Gürcüstan 6 xalla müvafiq olaraq, 2-3-cü yerləri bölüşdürür. Slovakiya, Azərbaycan, Lixtenşteyn isə 3 xalla 4-5-6-ıi yerdə qərarlaşıblar.
Avro-2021-in seçmə mərhələsi
14 noyabr
2-ci qrup
18:00. Azərbaycan - Lixtenşteyn
Baş hakim: Lukas Sotirius (Kipr).
Sumqayıt. “Sumqayıt Arena”
pia.az