Səhmdarlar İsveçrə səfirliyinin qarşısında aksiyaya cəhd edib...
“Holcim Azərbaycan” ASC-nin bir qrup səhmdarı İsveçirə səfirliyinin qarşısında aksiya keçirməyə cəhd edib. Polis buna icazə verməsə də, şikayətçilər qətnaməni səfirliyə təqdim edə biliblər.
Şikayətçilər bildirirlər ki, 300-dən çox narazı səhmdarın ümumilikdə 94 milyon 880 min borcu 6 ildir ödənilmir. Hazırda fiziki şəxslərin səhm payı 7,2 faiz təşkil edir. Səhmdarlar bildirirlər ki, şirkət işlədiyi 20 il müddətində onlara cəmi 4 dəfə divident verib.
2012-ci ilin aprelində “Qaradağ Sement” şirkəti re-brendinq olaraq Holcim (Azərbaycan) ASC adlandı. Şirkətin ən böyük səhmdarı 66 faiz səhmlə İsveçirə şirkəti olan Lafarge Holcimdir.
Səsləndirilən ittihamlarla bağlı “Holcim Azərbaycan” şirkətinə sorğu göndərsək də, onlar suallarımızı cavablandırmadılar.
Səhmdarlar tələbləri yerinə yetirilməyəcəyi halda məhkəməyə müraciət edəcəklərini bildirirlər.(meydan tv)
pia.az
Digərxəbərlər
Populyar xəbərlər
