Azərbaycan sentyabrda qeyri-neft ixracını 6% azaldıb

PİA.az-ın İqtisadi İslahatların Təhlili və Kommunikasiya Mərkəzinə istinadən verdiyi məlumata görə, bu göstərici ötən ilin sentyabr ayı ilə müqayisədə 22 mln. dollar və ya 19% artıb.

Cari ilin sentyabr ayında qeyri neft-qaz məhsulları üzrə ən çox mal Rusiyaya (38,5 mln. dollar), Türkiyəyə (25,4 mln. dollar), İsveçrəyə (13,9 mln. dollar), Gürcüstana (12,5 mln. dollar) və Çinə (5,4 mln. dollar) ixrac edilib.

Sentyabr ayında qeyri-neft sektoru üzrə ixracda qızıl (sikkə kəsilməsində istifadə olunmayan, digər emal olunmamış formalarda – 13,1 mln. dolları) birinci, qabığı təmizlənmiş meşə fındığı (11,7 mln. dolları) ikinci, emal olunmamış aşqarlanmamış alüminium (8,1 mln. dolları) üçüncü olub.

Qeyri-neft sektoru üzrə ixrac əməliyyatlarında iştirak edən dövlətə məxsus şirkətlərin siyahısında SOCAR-ın “Marketinq və İqtisadi Əməliyyatlar İdarəsi” başçılıq edib. Daha sonra bu siyahıda "Azəralüminium", "Azərenerji", "Azergold", AZAL, "Azərpambıq Aqrar Sənaye Kompleksi", “CTS-Agro”, "Azərikimya", "Azərtütün Aqrar Sənaye Kompleksi" və "Bakı Neft Maşinqayırma Zavodu" yer alıb.

pia.az