Bakıda küçədən yeni doğulmuş uşaq aşkarlanıb...
Bu barədə Qaradağ rayon Polis İdarəsindən məlumat verilib.
Məlumata görə, yeni doğulmuş uşağı küçədə Lökbatan qəsəbə sakini aşkar edib və polisə məlumat verib.
İlkin araşdırma zamanı uşağın vaxtından əvvəl doğulduğu məlum olub və uşaq Səhiyyə Nazirliyinin Elmi-Tədqiqat Pediatriya İnstitutuna təhvil verilib.
Hazırda faktla bağlı araşdırma aparılır. Hələlik uşağın kim tərəfindən küçəyə atıldığı məlum deyil.
pia.az