Bakıda gizlənqaç oynayan zaman tranformatora girən doqquz yaşlı Zəhra Əliyevanın iki ayağı və qolu amputasiya olunub...
Bununla bağlı məlumatı sosial şəbəkədə jurnalist Esmira Cavadova paylaşıb.
Onun sözlərinə görə, uşağın valieynləri olmadığı üçün əməliyyat üçün nənəsindən razılıq alınıb:
“Bir həkim qarşıya çıxıb o kimsəsiz uşağın müalicəsini üzərinə götürmədi. Halbuki barmaqlarını kəsməkdə kifayətlənə bilərdilər”.
Səhiyyə Nazirliyindən saytımıza bildirilib ki, uşağın müalicə işləri 5 saylı şəhər kliniki xəstəxananın yanıq şöbəsində davam etdirilir:
“Hazırda vəziyyəti kritik qiymətləndirilir, həyati təhlükəsi qalır”.
Qeyd edək ki, hadisə ötən həftə Nizami rayonu, Babək prospektində, “Azərişıq” ASC-nin Nizami Regional Enerji Təchizatı və Satışı İdarəsinin 6 min kv gərginliyində Komplektləşdirilmiş Transformator Məntəqəsində baş verib.
Ağır vəziyyətdə olan Zəhra Əliyeva 5 saylı şəhər kliniki xəstəxananın yanıq şöbəsinə yerləşdirilib.(oxu.az)
pia.az