Qəza nəticəsində 2 nəfər yaralanıb...
Abşeronda 2 nəqliyyat vasitəsinin toqquşması nəticəsində 2 nəfər yaralanıb.
Hadisə Saray qəsəbəsi ərazisində baş verib.
Belə ki, "Qazel" markalı yük avtomobili ilə taksi fəaliyyəti göstərən "VAZ 2107" markalı nəqliyyat vasitəsi toqquşub. Hadisə nəticəsində avtomobillərdə olan sərnişinlər, 1990-cı il təvəllüdlü Cəfərova Günel Tofiq qızı və 1991-ci il təvəllüdlü Elvin Qasımlı xəsarət alıb.
Hər iki yaralı xəstəxanaya yerləşdirilib. G.Cəfərovaya alın nahiyəsinin çapılmış yarası, E.Qasımlıya isə qapalı kəllə-beyin travması, budun sınığı diaqnozu qoyulub.
Hadisənin təfərrüatı araşdırılır.
pia.az