Sumqayıt şəhər 6 saylı məktəbdə nə baş verir? - Şagirdlərdən pul yığırlar...

6 saylı məktəbdə məktəbdə uşaqlardan təmir adı altında pul, bayramlarda pul, “lapatka” pulu, süpürgə pulu və sairə adla pul yığılır. Bu barədə Bolgexeber.com-a müraciətində Lalə Allahverdiyeva bildirib.

Sumqayıt şəhər 6 saylı məktəbin müəlliməsi Allahverdiyeva Lalə Sumqayıt təhsil Şöbəsinin müdiri Arzu Əlizadəyə şikayət məktubu ünvanlayıb. Məktubda Lalə Allahverdiyeva 6 saylı məktəbdə baş verən özbaşınalıqdan, məktəbin direktoru İradə Məmmədovanın özbaşınalığından və direktorun ona qarşı qərəzli mövqeyindən şikayət edir.

Müəllimənin iddiasına görə məktəbdə uşaqlardan təmir adı altında pul, bayramlarda pul, “lapatka” pulu, süpürgə pulu və sairə adla pul yığılır. Bundan başqa şagirdlərin 2-ci növbədən 1-ci növbəyə keçirilməsi üçün valideyinlərdən 300 manat rüşvət istənilir.

Lalə xanım dəfələrlə məsələ ilə bağlı aidiyyatı qurumlara şikayət edərək etirazını bildirdiyini deyir.

Bolgexeber.com məktəbin direktoru ilə əlaqə saxlasada direktor iddialarla bağlı açıqlama verməkdən yayınıb.

Məsələ ilə bağlı digər valideyinlərlə də əlaqə saxlanılıb, onlar da faktı təsdiqləyiblər.

pia.az