Putin Rusiya-ABŞ münasibətlərindəki problemlərin səbəbini açıqlayıb

Musavat.com xarici agentliklərə istinadən xəbər verir ki, o, bu barədə “Al Arabiya”, “Sky Nеws Arabia” və “RT Arabic” kanallarına verdiyi müsahibədə danışıb.

Rusiya liderinin fikrincə, Birləşmiş Ştatlardakı daxili siyasi situasiya prezident Donald Trampa Rusiya ilə əlaqələri düzəltməyə maneçilik törədir.

Kremlin sahibi ölkə rəhbərliyinin Ağ Ev sahibini hazırkı vəziyyətə görə günahlandırmadığını deyib. 

“Biz ABŞ prezidenti Donald Trampın münasibətlərimiz barədə fikirlərini bilirik. Cənab Tramp seçkiqabağı mitinqlərdəki çıxışlarında həmişə rəsmi Moskva ilə normal əlaqələr qurulmasını müdafiə edib”, - deyə Vladimir Putin bildirib.

Rusiya rəhbəri ABŞ-ın istənilən administrasiyası ilə onların arzu etdiyi səviyyədə çalışmağa hazır olduqlarını vurğulayıb.

Xatırladaq ki, bu ilin oktyabr ayının əvvələrində Vladimir Putin Donald Trampla etibarlı işgüzar münasibətlər qurduqlarını bəyan etmişdi. 

pia.az