Onun həmçinin 2 il ölkədən çıxma və partiyalara üzv olmasına qadağa tətbiq edilmişdi
Tehran Apellyasiya Məhkəməsi Pərisa Rəfiiyə qarşı ilkin məhkəmədə çıxarılan hökmü qüvvədə saxladı.
Bu haqda İranda insan haqları sahəsində fəaliyyət göstərən HRA saytı məlumat yayıb.
Bundan əvvəl Tehran İnqilab Məhkəməsi xanım Rəfiini 7 il həbs və 74 şallaq cəzasına məhkum etmişdi. Onun həmçinin 2 il ölkədən çıxma və partiyalara üzv olmasına qadağa tətbiq edilmişdi.
Həmin xəbərə əsasən, Pərisa Rəfiinin məhkəməsi iyulun 2-də keçiriləcəyi ilə bağlı məlumatlandırılsa da, ona Tehran vilayətinin Apellyasiya Məhkəməsinin 36-cı şöbəsinə müraciəti zamanı məhkəmənin keçirilməyəcəyi və hökmün qiyabi olaraq veriləcəyini bildirilmişdi.
Əslən İran Azərbaycanının Zəncan vilayətindən olan fəal Pərisa Rəfii Tehran İnqilab Məhkəməsinin 28-ci şöbəsi tərəfindən "sistemə qarşı təbliğat", "ictimai asayişi pozmaq" və "sözləşmə və toplaşma" kimi ittihamlarla suçlanaraq, 7 il həbs və 74 şallaq cəzasına məhkum edilmişdi.
Tehran Universitetinin gözəl sənətlər ixtisasının tələbəsi Pərisa Rəfii 2018-ci il fevralın 25-də təhlükəsizlik qüvvələri tərəfindən tutularaq, 23 gün naməlum yerdə tək adamlıq həbsxanada saxlanıldıqdan sonra girov müqabilində sərbəst buraxılmışdı. (amerikaninsesi.org)
pia.az
Digərxəbərlər
Populyar xəbərlər
