Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Azərbaycanda görünməmiş hadisə - 3 yaşlı qıza təcavüz edilib?

İstintaq araşdırması zamanı Sadiq Məmmədov və arvadı Səmayə Məmmədovanın İmişli rayon polis şöbəsinə etdikləri bu şikayət özünü doğrultmayıb

İmişli rayonunda bilə-bilə hüquq-mühafizə orqanlarına yalan məlumat verməkdə ittiham olunan Sabirabad rayon sakini, 1967-ci il təvəllüdlü Sadiq Məmmədovun (ad və soyadlar şərtidir – red.) cinayət işi üzrə məhkəmə prosesi başa çatıb.

PİA.az Teleqraf.com-a istinadən xəbər verir ki, Sadiq Məmmədov rəsmi nikahda olduğu Səmayə Məmmədovanı maddi və sair cəhətdən özündən asılı vəziyyətə salıb. O, həyat yoldaşına 2016-cı ilin oktyabrında müəyyən vədlər verib, sonra da sözündən çıxacağı halda ona zərər yetirəcəyi ilə hədə-qorxu gəlib.

Arvadını cinayətə təhrik etdi

Bundan başqa, Sadiq Məmmədov əvvəlcədən yalan olduğunu bildiyi halda 3 yaşlı qızı Samirənin 1948-ci il təvəllüdlü bacanağı Sahib Babayev tərəfindən yeddi ay əvvəl zorlanması barədə xüsusilə ağır cinayət törətməkdə ittiham edib.

O, arvadından tələb edib ki, bacanağının bu cinayəti törətdiyi barədə hüquq-mühafizə orqanlarına müraciət etsin.

Hədə-qorxularla üzləşən Səmayə Məmmədova ərinin dediklərini icra etməyə məcbur olub. Onlar birlikdə 29 oktyabr 2016-cı il tarixdə ərizə ilə İmişli rayon polis şöbəsinə müraciət ediblər, əvvəlcədən yalan olduğunu bildikləri halda 3 yaşlı qızlarının Sahib Babayev tərəfindən təxminən 7 ay əvvəl zorlandığını qeyd ediblər.

“Bacımın əri qızımla...”

Ərinin təhrikləri ilə Səmayə Məmmədova izahatında qeyd edib ki, bacısının əri Sahib Babayev 2016-cı ilin martında 3 yaşlı qızı ilə cinsi əlaqədə olub. Ana iddia edib ki, bacısının əri bu hadisəni özünə məxsus Salyan rayonunda olan evində törədib, həmin vaxt onlar Sahib Babayevin evində qonaq olublar.

Sadiq Məmmədov Cinayət Məcəlləsinin 149.3.3-cü (təqsirkar şəxs üçün aşkar surətdə on dörd yaşına çatmayan şəxs barəsində zorlama) maddəsində nəzərdə tutulan xüsusilə ağır cinayət törətməkdə ittiham etməklə törədilməmiş cinayətin edilməsi barədə bilə-bilə yalan xəbərçilik edib.

Təcavüz cinayəti doğru çıxmadı

İstintaq araşdırması zamanı Sadiq Məmmədov və arvadı Səmayə Məmmədovanın İmişli rayon polis şöbəsinə etdikləri bu şikayət özünü doğrultmayıb.

Müəyyən olunub ki, Səmayə Məmmədova ərinin hədə-qorxuları ilə üzləşib və belə bir cinayətin yayılmasında iştirak edib.

İstintaq Sadiq Məmmədovun hüquq-mühafizə orqanlarına bilə-bilə yalan xəbərçilik etdiyi nəticəsinə gəlib. Polis tərəfindən həbs edilən Sadiq Məmmədovun barəsində 19 noyabr 2018-ci il tarixdə həbs-qətimkan tədbiri seçilib.

Sadiq Məmmədovun barəsində Cinayət Məcəlləsinin 32.4-cü (ağır və ya xüsusilə ağır cinayətlərin törədilməsi məqsədi ilə sabit mütəşəkkil cinayətkar qrupun yaradılması və ya eyni məqsədlərlə iki və ya daha çox mütəşəkkil cinayətkar qrupun sabit birliyi cinayətkar birlik (cinayətkar təşkilat) hesab olunur) və 296.2-ci (bilə-bilə yalan xəbərçilik etmə, eyni əməllər şəxsin ağır və ya xüsusilə ağır cinayət törətməkdə ittiham olunması və ya süni ittiham sübutlarının yaradılması ilə bağlı törədildikdə) maddələri ilə ittiham elan edilib.

“Çox çətinliklə dolanmışıq”

Cinayət işi üzrə təqsirləndirilən şəxs qismində ifadə verən Sadiq Məmmədov elan olunmuş ittiham üzrə özünü təqsirli bilməyib. Onun arvadı Səmayə Məmmədova isə cinayət işi üzrə şahid qismində tanınıb və dindirilib.

Səmayə Məmmədova bildirib ki, 2011-ci ilin martın 4-də Sadiq ilə faktiki nikahla evlənib, onların 28 aprel 2013-cü ildə qızları – Samirə və 14 mart 2016-cı ildə isə Ləman dünyaya gəlib: “28 sentyabr 2016-cı ildə biz İmişli rayonuna gəldik, həmin ilin dekabrın 22-dək Xəlfəli kəndində yerləşən Rasət adlı şəxsə məxsus fermada çobanlıq etdik. Maddi cəhətdən çox çətinliklə dolanmışıq”.

Səmayə Məmmədovanın sözlərinə görə, 2016-cı ilin oktyabrın əvvəllərində Sadiq Məmmədov ona böyük bacısı Sona Babayevanın əri Sahib Babayevə məxsus olan Salyan rayonunda yerləşən evi ələ keçirmək üçün ona şər atıb, tutdurmağı təklif edib: “Ərimin bu təklifinə etiraz etdim. Bu etirazımına əsəbləşən Sadiq “Samirəni özüm zorlayıb Sahibin üstünə şər atacağam, elə rola girəcəyəm ki, polislər məni tutmayacaq” - deyərək mənə hədə-qorxu gəldi. Həmin vaxt Sadiq məni döydü”.

“Ərim xain plan qurdu”

Şahid qeyd edib ki, Sadiq Məmmədovun davamlı təzyiq və hədələrinə dözməyib: “Məcbur olaraq Sadiqlə birlikdə 29 oktyabr 2016-cı ildə İmişli rayon polis şöbəsinə gəldik. Qızım Samirəni bacımın əri Sahibin zorlaması haqqında yalan olduğunu bilə-bilə ərizə yazdım. Bundan sonra Salyan rayon polis şöbəsində araşdırma aparılarkən ərizəni ərimdən qorxduğum üçün onun təhriki ilə verdiyimi bildirdim.

Sahibin Salyan rayonunda öz evində 3 yaşlı qızımı zorlaması ilə bağlı yazdığım ərizə və izahatımda göstərdiklərimin yalan olduğunu bildirdim. Sahib aldığı pensiya və İmişli mal bazarında işlətdiyi kiçik kafedən əldə etdiyi gəlirdən bizə bir müddət maddi cəhətdən köməklik edib. Lakin xəstələndikdən sonra kömək edə bilmədiyindən ərim belə bir xain plan qurdu”.

“Əxlaqsız və zorakı hərəkətlər etməyib”

İş üzrə şahid qismində ifadə verən Sona Babayeva bildirib ki, 2005-ci ildə Salyan rayon sakini Sahib Babayevlə ailə qurub: “Lakin birgə nikahımızdan uşaqlarımız olmayıb. Bacım Səmayə 2016-cı ilin martında hamiləliklə əlaqədar Salyan rayon Mərkəzi xəstəxanasına müraciət etdi. Bu səbəbdən azyaşlı qızı Samirə ilə birlikdə martın 7-dən aprelin 18-dək bizim evimizdə qonaq oldu.

Martın 14-də bacımın daha bir qızı dünyaya gəldi, adını da Ləman qoydular. Bacımgil bizdə qaldığı müddətdə qayğı ilə əhatə olunublar. Ərim Sahib bacıma və onun övladlarına qarşı mehriban, diqqətli olub. Ərim bacımın azyaşlı qızına qarşı heç bir əxlaqsız və zorakı hərəkətlər etməyib.

Əri bacımı mütəmadi olaraq döyüb, belə bir hadisənin baş verməsi barədə İmişli rayon polis şöbəsinə müraciət etməyə məcbur edib. Bacımda məcbur qalaraq ərizədə ərinin dediklərini göstərib”.

3 il cəza

Bu cinayət işinə İmişli rayon Məhkəməsində baxılıb. Hakim Ülvi Qənbərovun sədrliyi ilə baş tutan prosesdə araşdırma aparılıb və Sadiq Məmmədovun törətdiyi əməl sübuta yetirilib. O, 3 il müddətinə azadlıqdan məhrum edilib, cəzasını ümumi rejimli cəza çəkmə müəssisində çəkməsi qərara alınıb.

Hökmdən narazı qalan Sadiq Məmmədov apelyasiya şikayəti verib. O, barəsində bəraət hökmünün çıxarılmasını istəyib.

Sadiq Məmmədovun şikayəti araşdırılması üçün Şirvan Apelyasiya Məhkəməsinə göndərilib. Hakim Kamil Bəşirovun sədrliyi ilə baş tutan prosesdə apelyasiya şikayətinin dəlilləri araşdırılıb, sonda qərar elan edilib.

Qərara görə, şikayət təmin olunmayıb.

pia.az




Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Ermənistan Silahlı Qüvvələrinin Baş Qərargah rəisi müharibə istəyir?..

Şadlıq saraylarında menyular bahalaşdı - Qiymətlər

Azneft”in baş direktoru vəzifəsindən azad edildi - Yeni təyinat

Yarım milyon mənimsəyən baş həkim həbsdə öldü    

Ərdoğan: Qarabağda hansı addımı atdıqsa, qarşımıza böyük qlobal ittifaq çıxdı

Qurban Qurbanov hərəkətlərinə fikir verməyən futbolçunu cərimələdi

Azərbaycanda baş məşqçinin hakimi döyməsinin görüntüləri - Video

Ən çox oxunanalar