“5 nəfər müalicə olunur” – Nazirlik Lənkəranda qəzada xəsarət alanlarla bağlı açıqlama yaydı

Nazirlikdən “Report”a verilən məlumata görə, Lənkəran Mərkəzi Rayon Xəstəxanasında hazırda 5 nəfərin müalicəsi davam edir.

Qeyd olunub ki, onlardan biri reanimasiyada, digər 4 nəfər isə travmatologiya şöbəsində palatadadır.

Qeyd edək ki, avqustun 28-də Lənkəran rayonunun Bəliton kənd sakini Ağayev Ələmdar Şavəli oğlunun idarə etdiyi, ona məxsus şəxsi istifadəsində olan PAZ markalı 43-BA-455 dövlət nömrə nişanlı avtobusu yüksək dağlıq ərazidə yolsuzluq və qapalı şəraitdə fərdi yaşayış evinin həyətinə aşıb. Sürücü hadisə zamanı dünyasını dəyişib. Avtobusda olan 22 nəfər sərnişin xəsarət alıb.

pia.az