Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Yoxlamalar Səfər Mehdiyevi də hədəfə gətirəcək...

Dövlət Gömrük Komitəsinin fəaliyyətindəki neqativ hallarla bağlı məsələ zaman-zaman gündəmə gəlir

Bununla bağlı dəfələrlə yoxlama aparılıb, cəzalandırılanlar da olub. Komitəyə qarşı çeşidli ittihamlar isə səngimək bilmir. Yeni rəhbərliyin ötən müddətdəki fəaliyyəti belə problemlərin ciddi surətdə aradan qalxmasına şərait yaratmayıb.

Doğrudur, hələlik üstü açılan məsələlər Gömrük Komitəsinin keçmiş sədri Aydın Əliyev dönəmindən qalanlardır. Yayılan son xəbərə görə, 2019-cu ilin birinci yarısında Maliyyə Nazirliyinin Dövlət Maliyyə Nəzarəti Xidməti Azərbaycan Respublikası Dövlət Gömrük Komitəsinin Avtonəqliyyat Baş Gömrük İdarəsində yoxlama aparıb. Məlumata görə, yoxlama Azərbaycan Respublikası Dövlət Təhlükəsizliyi Xidmətinin (DTX) məktubu və Xidmətin İstintaq Baş İdarəsinin qərarı əsasında aparılıb.

Dövlət Maliyyə Nəzarəti Xidməti dövlət büdcəsinin mərkəzləşdirilmiş xərclərindən ayrılmış vəsaitlərin təyinatı üzrə xərclənməsini yoxlayıb. Avtonəqliyyat Baş Gömrük İdarəsi 15.12.2017 - 31.12.2017 dövrü üzrə yoxlanıb. Yoxlama nəticəsində 2 milyon 27 min 800 manat artıq və əsassız ödənişlər aşkar edilib. Artıq və əsassız ödənişlərin təqsirkar şəxslər hesabına büdcəyə bərpası təmin edilməyib. Dövlət Maliyyə Nəzarəti Xidməti sənədləri Azərbaycan Respublikasının Dövlət Təhlükəsizliyi Xidmətinə göndərib.

Dövlət Maliyyə Nəzarəti Xidməti Azərbaycan Respublikası Dövlət Gömrük Komitəsinin Bakı Baş Gömrük İdarəsində də yoxlama aparıb. Yoxlama nəticəsində 3 milyon 281 min 270 manat artıq və əsassız ödənişlər aşkar edilib. Artıq və əsassız ödənişlərin təqsirkar şəxslər hesabına büdcəyə bərpası təmin olunub və sənədlər Azərbaycan Respublikasının Dövlət Təhlükəsizliyi Xidmətinə göndərilib.

PİA.az xəbər verir ki, Cebhe.info saytının yazdığına görə, yoxlamaların əhatə etdiyi dövrə nəzər salsaq görərik ki, həmin dönəm komitəyə Aydın Əliyev rəhbərlik edib. Bundan əvvəl isə Dövlət Gömrük Komitəsinin Tibb Xidməti İdarəsinin rəisi Fikrət Qədiməliyev, onun müavini Fərman Məmmədli, həmçinin hospitalın işçiləri və Hava Nəqliyyatında Baş Gömrük İdarəsinin də iki əməkdaşı daxil olmaqla, ümumilikdə 8 nəfər həbs olunub.

Onlar 188 adda qaimə üzrə 6.5 milyon manatlıq dərmanların ölkəyə gömrük nəzarətindən keçirilmədən gətirilməsi, Səhiyyə Nazirliyində qeydiyyatdan keçirilmədən onların satışı və istifadəsində günahlandırılıb. General və müavininə həm də hospitalda 15 milyon manatlıq mənimsəmə üzrə ittihamlar verilib.

Komitənin keçmiş rəhbərliyi dönəmində baş verənlərlə bağlı yoxlamalar və ortaya çıxarılan faktlar indiki sədr Səfər Mehdiyev və komandasına dərs olmalıdır.

Çünki zaman fasiləsi məsuliyyəti azaltmır, bütün sirlərin faş olacağı dövr var. Komitənin indiki rəhbərliyi ilə bağlı da mütəmadi narazılıqlar səslənir. Gömrük- keçid məntəqələrində baş verən neqativ hallar, mövcud problemlər ictimai narazılığa səbəb olur. Xüsusilə də insanlar gömrükdə üzləşdikləri problemlərdən, onlara yaradılan süni əngəllərdən şikayətçidirlər. Gömrükdə hələ də ciddi problemlər həllini tapmayıb, üstəlik yeniləri yaradılır.

Komitənin ləğv prosesinin başlaması haqqında intensivləşən informasiyalar da məhz bu xəbərlərdən qaynaqlanır. Qeyd edək ki, ekspertlər komitənin ləğv olunaraq Vergilər Nazirliyinin balansına verilməsinə dair ortaq mövqe sərgiləyir.

Digər tərəfdən, komitənin fəaliyyətindən təkcə sadə vətəndaşlar deyil, həm də iş adamları narazılıq edir. Bu narazılığı şərtləndirən kifayət qədər səbəb var ki, onlardan biri də DGK-nin rəsmi invoysları qəbul etməməsidir. Doğrudur, zaman-zaman təqdim olunan invoyslarda müəyyən problemlər, anlaşılmazlıqlar da olur. Amma bu cür halların az olmasına baxmayaraq, komitə bütün mal gətirənlərə eyni prosesi tətbiq edir.

Müstəqil ekspertlər beynəlxalq təcrübədə belə bir prosedurun olmadığını, Gömrük Komitəsinin fəaliyyətinin gömrük fəlsəfəsinə zidd olduğunu deyir. Faktiki olaraq Gömrük Komitəsinin invoys-qiymətləndirməyə dair öz siyasəti mövcuddur ki, bu da əslində qanunaziddir. Bu, həm də ölkədə azad bazar qaydalarını, rəqabətli mühiti pozan əsas amil kimi qiymətləndirilir.

Dövlət Maliyyə Nəzarəti Xidmətinin son yoxlamalarından sonra ortaya çıxan faktların indiki rəhbərliyə aidiyyatı olmasa da, amma bu, ən azından Səfər Mehdiyevin komandasına dərs olmalıdır. Çünki gömrükdə olan, əhalinin ciddi narazılığına səbəbiyyət verən və hələ də həllinə yönəlik heç bir addım atılmayan məsələlər gələcək yoxlamalarda Səfər Mehdiyevi hədəfə gətirəcək.

Ölkə başçısı dəfələrlə çıxışlarında vurğulayıb ki, məmur xalqın xidmətçisidir. Xalqın maraqlarına uyğun olmayan fəaliyyət isə məmur ömrünü qısaldır.

pia.az



Şərh yazın.


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Yarım milyon mənimsəyən baş həkim həbsdə öldü    

Şadlıq saraylarında menyular bahalaşdı - Qiymətlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

Azneft”in baş direktoru vəzifəsindən azad edildi - Yeni təyinat

BMT Baş katibi azərbaycanlı diplomatı yüksək vəzifəyə təyin edib

Ən çox oxunanalar