Çərşənbə, 19 Fevral 2020
USD : 1.7
EUR : 1.8724
Hava
+10 ° Baku
+8 ° Quba
+8 ° Qusar
+17 ° Gəncə
+14 ° Lənkəran
+9 ° Naxçıvan
+16 ° Salyan
+16 ° Şəki

Jerar Depardye Leonid Brejnev rolunu canlandıracaq

Fransanın məşhur aktyoru Jerar Depardye 1968-ci ildə Praqada baş verən hadisələr haqqında çəkiləcək filmdə SSRİ-nin keçmiş rəhbəri Leonid İliç Brejnev rolunu oynayacaq

“Praqa baharı” haqqında filminin prodüsseri bununla bağlı danışıqların aparıldığını bildirib: “Biz cənab Depardye ilə müqavilə imzaladıq. Sentyabrda onunla görüşəcəyik və Parisdə aktyorun komandası ilə filmin çəkilişlərinin təfərrüatlarını müzakirə edəcəyik. Aleksandr Dubçek rolunun ifaçısına gəlincə, bu rolu dünyanın məşhur aktyoru oynamalıdır, onunla danışıqlar hələ davam edir”.

Keçmiş Çexoslovakiyada baş verən hadisələr haqqında filmi xorvat rejissoru Lordan Zafranoviç çəkəcək. O, hadisələr zamanı – 1968-ci ildə Praqanın Kinematoqrafiya İnstitutunda oxuyub. Filmin ssenari müəllifi slovak Karol Qlavkadır. O, hələ ki yalnız ssenarinin birinci hissəsini yazıb və indi Praqada ikinci hissənin üzərində işləyir.

Filmi Slovakiyanın “Leca Production” kinostudiyası çəkəcək, ekran əsərinin büdcəsi 10 milyon avrodan çox olacaq.

Film 2021-ci ilin sonunda Aleksandr Dubçekin anadan olmasının 100 illiyi zamanı hazır olacaq. Ekran əsərinin dünya premyerası 2022-ci ilin başlanğıcında baş tutacaq.

Daha əvvəl bildirilirdi ki, Jerar Depardye keçmiş SSRİ-nin rəhbəri İosif Stalinin obrazını oynayacaq. (Report)

pia.az

Hostimul.com
Paylaşılan hostinq, fiziki server, VPS və ya reseller hostinqa ehtiyacınız olarsa, təklif etdiyimiz hostinq xidmətləri ilə nəinki layihənizə uyğun bir hostinq məhsulu seçib, həm də veb-saytınızı lazımi qorunma ilə təmin edə bilərsiniz. Ətraflı məlumat üçün daxil olun: https://hostimul.com/az/hosting-azerbaycan/

Şahidi olduğunuz hadisələrlərlə bağlı məlumatları, foto və videoları bizim whatsapp nömrəmizə yollamağınızı xahiş edirik: 0554231627


Şərh yazın.


loading...

Ən çox oxunanalar