Roma Papası: “Avropa siyasətçilərinin ritorikası Hitlerin bəyanatlarından da”

O, Köhnə qitədə yenidən baş qaldıran qatı milliyyətçilik meyilləri ilə bağlı xəbərdarlıq edib, bunun nümunəsi kimi İtaliyanın hazırkı Daxili İşlər nazirinin çıxışlarını misal gətirib. Bu siyasətçi “italiyalılar üstündür” şüarı altında hökumətdən dəstəyini geri çəkib və nəticədə ölkədə siyasi böhran yaranıb. Matteo Salvini, həmçinin digər ölkələrinin siyasətçilərini də Avropa İttifaqına qarşı “suverenlik” fəaliyyətinə çağırıb.

SBS telekanalının saytı xəbər verir ki, La Stampa qəzetinə müsahibə verən Roma Papası bu hərəkətləri təcridolunma siyasəti kimi dəyərləndirib. O deyib: “Mən Avropanın milliyyətçi siyasətçilərinin fəaliyyətinə baxanda Adolf Hitlerin 1930-cu illərdə çıxışlarını xatırladım. Onların arasındakı bənzərlik məni çox narahat etdi. “Biz üstünük, yenə də biz…biz…” sözləri qorxulu fikirlərdir.

Avropada gələn ilin mayında keçiriləcək seçkilər ərəfəsində italiyalı nazirin “suverenlik” alyansına Fransanın ultra-sağ hərəkatının lideri Marin Le Pen və Macarıstanın Baş Naziri Viktor Orbanın da dəstək verdiyi bildirilir. Ultra-sağ təmayüllü siyasi partiyaların daha da güclənməsi Papanı narahat edib. O, dövlətlərin suverenliyinin vacib olduğunu, eyni zamanda, Avropa İttifaqını qorumağın və inkişaf etdirməyin zəruriliyini qeyd edib. Əlavə edib ki, “suverenlik” hərəkatı Avropada ciddi fəsadlara səbəb ola bilər. (Azərtac)

pia.az