Dövlət satınalmalarının rəsmi veb saytında dəyişik oldu - Şəffaflıq artırıldımı?..

Azərbaycan Respublikası İqtisadiyyat Nazirliyi yanında Antiinhisar Siyasəti və İstehlakçıların Hüqquqlarının Müdafiəsi Dövlət Xidməti PİA.az saytının “Böyük Tender Talanı” araşdırmasından sonra Dövlət satınalmalarının rəsmi veb saytı olan https:etender.gov.az resursunda dəyişikliklər edib.

PİA.az olaraq “Böyük Tender” talanı adlı silsilə araşdırmalarımızdan sonra Antiinhisar Siyasəti və İstehlakçıların Hüqquqlarının Müdafiəsi Dövlət Xidməti problemləri həll etmək yolunda addımlar atıb. Belə ki, bir neçə gün öncəyədək tender.gov.az saytında Media kateqoriyası altında “Keçirilmiş Müsabiqələr” adlı informativ bölmə var idisə, artıq bu bölmə əsas menyudan çıxarılıb. Keçirilmiş tenderlərin tarixləri də qeyd olunaraq həmin məlumatlar “Müsabiqə” bölməsinə yerləşdirilib.

Zahid İsayevin idarəsində olan qurum bu addımını şəffaflaşma yolunda addım saymaq olar və Dövlət satınalmaları haqqında AZƏRBAYCAN RESPUBLİKASININ QANUNUNUN 5-ci maddəsinin tələblərini pozmadan, qanunsuzluğa yol vermədən edilən dəyişikliklər tərəfimizdən müsbət qəbul edilir.

Qeyd edək ki, hansısa səbəblərdən “Keçirilmiş Müsabiqələr” bölməsində olan bəzi tenderlərə “Bağlanmış Müqavilələr” bölməsində rast gəlmək olmur. Bu problemləri ört-basdır etmək əvəzinə Antiinhisar Siyasəti və İstehlakçıların Hüqquqlarının Müdafiəsi Dövlət Xidməti təkmilləşməyə getsə, Qanunvericiliyə uyğun şəffaflaşsa, ictmaiyyətə daha yaxın olsa, bu qurumun adına ancaq yaxşı sözlər demək olardı.

pia.az