Qəza qurbanlarının sayı 19 nəfərə çatıb, 16 nəfər isə yaralanıb
Pakistanın şimal-şərqində qəzaya uğrayan hərbi təyyarənin qurbanlarının sayı 19 nəfərə çatıb, 16 nəfər isə yaralanıb.
"Report" xəbər verir ki, bu barədə RİA Novosti yerli "Dunya news" kanalına istinadən məlumat yayıb.
Daha əvvəl 17 nəfərin öldüyü bildirilirdi.
06:00
Pakistanda hərbi təyyarənin qəzaya uğraması nəticəsində 17 nəfər ölüb.
"Report" xəbər verir ki, bu barədə Reuters Pakistan Silahlı Qüvvələrinin bəyanatına istinadən məlumat yayıb.
Daha əvvəl 10 nəfərin öldüyü bildirilirdi.
Reuters-in qeyd etdiyi kimi, təyyarə ölkənin şimalındakı Ravalpindi şəhəri üzərində təlim uçuşu zamanı qəzaya uğrayıb. Təyyarənin növü göstərilməyib. Fəlakətdən sonra bir neçə binanı əhatə edən yanğın baş verib.
04:35
Pakistanda kiçik bir təyyarənin qəzaya uğraması nəticəsində 10 nəfər ölüb.
"Report" TASS-a istinadən xəbər verir ki, bu barədə yerli The News International qəzeti məlumat yayıb.
Bildirilib ki, təyyarə ölkənin şimalındakı Ravalpindi şəhərindəki yaşayış sahəsinə düşüb. Qəzadan sonra isə bir neçə binanı əhatə edən yanğın baş verib.
Hələ ki, ölənlərin dəqiq sayı barədə məlumat verilmir. Hadisə yerində xilasetmə qüvvələri çalışır.
Pia.az