Suraxanı rayon icra hakimiyyətindən Qaraçuxur qəsəbəsində yerləşən Neftçilər parkında ağacların quruması ilə bağlı iddialara açıqlıq gətirilib...
İcra hakimiyyətindən PİA.az-a bildirilib ki, Bakının Suraxanı rayonunu, Qaraçuxur qəsəbəsində yerləşən Neftçilər parkının baxımsızlıq ucbatından ağacların quruması ilə bağlı yayılan yazı daha çox ictimaiyyəti yanlış məlumatlandırmaq məqsədi daşıyır:
“İsti yay aylarında bu il əkilən tinglərin bəzilərinin quruması təbii haldır və bundan şou yaratmağa dəyməz. Payız aylarında qurumuş bir neçə ağacın yerinə yeni tinglər basdırılacaq”, deyə icra hakimiyyətindən bildiriblər.
Qeyd edəək ki, PİA.az-ın əməkdaşı Qaraçuxurdakı Suraxanı parkında olub. Ümumilikdə parkda heç bir baxımsızlıqdan söhbət gedə bilməz. Burda dincələn insanlar da bunu təsdiqlədilər.
Xatırladaq ki, Bakının Suraxanı rayonunu, Qaraçuxur qəsəbəsində yerləşən Neftçilər parkı bu il aprelin 18-də Azərbaycan Prezidenti İlham Əliyevin və Birinci Vitse-prezident Mehriban Əliyevanın açılışını etdiyi iştirakı ilə Qaraçuxur sakinlərinin istifadəsinə verilib.
pia.az