Şənbə, 24 Avqust 2019
USD : 1.7
EUR : 1.9178
Hava
+29 ° Baku
+31 ° Quba
+23 ° Qusar
+32 ° Gəncə
+28 ° Lənkəran
+30 ° Naxçıvan
+35 ° Salyan
+32 ° Şəki

Qaradağda REYD: 15 sürücü saxlanıldı, səbəbi isə...- Foto

Qaradağ Rayon Polis İdarəsi reyd keçirib

Bu gün Qaradağ Rayon Polis İdarəsinin əməkdaşları rayon ərazisində ictimai asayişin qorunması və hərəkətin təhlükəsizliyi ilə əlaqədar reyd keçirib.

Trend-in əməkdaşının da iştirak etdiyi reydlər zamanı qayda pozan sürücü və piyadalara qarşı tədbir görülüb.

Rayon Polis İdarəsinin Dövlət Yol Polisi Şöbəsinin axtarış üzrə inspektoru, polis mayoru Kamil Rəhimov bildirib ki, gün ərzində yol polis əməkdaşlarının keçirdiyi reyd zamanı 15 sürücü saxlanılıb: "Saxlanılan sürücülərə qanuna müvafiq qaydada inzibati protokol tərtib edilib. Həmçinin gün ərzində piyadalar üçün müəyyən edilməmiş ərazilərdən keçərək avtomobillərin hərəkətinə mane olan və həyatı təhlükə yaradan 7 piyada saxlanılıb. Həmin piyadalar da inzibati protokol tərtib edilməklə cərimələnib.

Biz mütəmadi olaraq rayon ərazisində reyd və profilaktik tədbirlər keçiririk, sürücü və piyadaları qaydalara riayət etməyə çağırır, onlar arasında təbliğat aparırıq. Məqsəd yol hərəkəti qəzalarının sayının azaldılması, avtomobil və piyadaların təhlükəsizliyini təmin etməkdir".

pia.az

Fotolar


Şərh yazın.

loading...