Culfa rayonunun Camaldın kəndində yaşayan Həqiqə İsgəndərovanın 100 yaşı qeyd olunub
PİA.az “Yeni Sabah”-a istinadən xəbər verir ki, bu münasibətlə Həqiqə İsgəndərova ilə görüş keçirilib. Culfa Rayon İcra Hakimiyyəti başçısının müavini Sara Hüseynova və Culfa Rayon Əhalinin Sosial Müdafiə Mərkəzinin direktoru Mustafa Cəlilov yubilyarı 100 yaşı münasibətilə təbrik ediblər.
Tədbirdə yubliyara hədiyyə təqdim olunub. Həqiqə İsgəndərova və oğlu Talıb İsgəndərli göstərilən qayğıya görə dövlətimizə minnətdarlığını bildirib.
Qeyd edək ki, Həqiqə İsgəndərova 1919-cu ilin iyul ayının 1-də Camaldın kəndində anadan olub. Onun 10 övladı, 44 nəvəsi, 94 nəticəsi, 18 kötücəsi var. 1967-ci ildə “Qəhraman ana” adına layiq görülüb. Həqiqə İsgəndərova həm də arxa cəhbə veteranıdır.
pia.az