Nazim İsmayılov və oğlu prezidentin sərəncamından niyə narazıdır?

Anar İsmayılov atasının Sabirabad kimi böyük bir rayondan Saatlıya təyinat almasını atasına qarşı haqqsızlıq kimi dəyərləndirir...

Prezident İlham Əliyev tərəfindən Sabirabad rayonundan çıxarılaraq Saatlı rayon icra başçısı təyin edilən Nazim İsmayılovla bağlı məlumat var. Belə ki, MilliYola-a daxil olan məlumatda bildirilir ki, Sabirabad kimi böyük bir rayondan kiçik Saatlıya göndərilməsi Nazim İsmayılovun ciddi narazılığına səbəb olub. Bu barədə saytımıza Nazim İsmayılova yaxın olan mənbə məlumat verib. Mənbə qeyd edib ki, Nazim İsmayılov daha əvvəl kohnə komandasını Saatlıya aparmağa söz versə də, sonradan qərarını dəyişib.

Mənbə qeyd edir ki, Nazim İsmayılov paytaxt rayonlarından birinə icra başçısı gəlmək arzusunda imiş. Bunun üçün də çalışırmış. Lakin onun birdən birə Saatlıya göndərilməsi başçını şoka salıb.

Hətta Nazim İsmayılovun bu təyinatına narazılıq edənlərin biridə oğlu olduğu deyilir. Göyçaydan əldə etdiyimiz məlumata əsasən Anar İsmayılov da atasının Sabirabad kimi böuük bir rayondan Saatlıya təyinat almasını atasına qarşı haqqsızlıq kimi dəyərləndirir. Anar İsmayılov dəfələrlə onu atasının yeni təyinatı ilə bağlı təbrik edənlərə elə belə də cavab verib.

Qeyd edək ki, Nazim İsmayılov əslən Göyçay rayonundandır və oğlu Anar İsmayılov da bu rayonda müxtəlif biznes sahələri ilə məşğul olur. Daha əvvlər Anar İsmayılovun adı müxtəlif qalmaqallarda hallanıb.

pia.az