Bazar, 25 Avqust 2019
USD : 1.7
EUR : 1.9178
Hava
+29 ° Baku
+31 ° Quba
+23 ° Qusar
+32 ° Gəncə
+28 ° Lənkəran
+30 ° Naxçıvan
+35 ° Salyan
+32 ° Şəki

"Baxdım, söz tapmadım, susdum lal kimi..."

Leyla Əliyevanın “Azərbaycan” şeiri

Heydər Əliyev Fondunun vitse-prezidenti Leyla Əliyeva "Azərbaycan” adlı şeirini İnstaqram səhifəsində izləyiciləri ilə paylaşıb.

Pia.az Kult.az-a istinadən həmin şeiri təqdim edir:

Xəzər dalğa-dalğa könlümü çalar,

Külək qucaqlayar çiyinlərimi.

Gözəl Azərbaycan - bənzərsiz diyar,

Baxdım, söz tapmadım, susdum lal kimi.

 

Təbəssüm saçılan hər üzdə nur var,

Quşların səsiylə açır dan yeri.

Gözəl Azərbaycan – müqəddəs diyar,

Ulduzlar bağrında xal gecələrin.

 

Sərvətdən yaradıb Allah bu yeri,

Zirvələr, vulkanlar, meşələr, göllər.

Gözəl Azərbaycan – Tanrının sirri,

Sənə xeyir-dua göylərdən gələr.

 

Bir ocaq başında qızınır hamı,

İnsana məhəbbət Allah əmridir.

Haqqı, mərhəməti, dini, inamı,

İnsanlar qol-qola sabaha gedir.

 

Göylərdən endilər sanki sübh çağı,

Xeyir işlər üçün insanlar yerə.

Gözəl Azərbaycan - pirlər ocağı,

Sınmadıq, yenmədik əsən yellərə.

 

Bu Odlar Yurdunu sən qoru, Allah,

Bu, sevgi, mərhəmət, sülh diyarıdır.

Mələklər görünür hər axşam-sabah,

Üzümüz, yolumuz sənə sarıdır.

 

Heç kəsə yamanlıq istəmirəm mən,

Dünya həsrət qalsın zülmə, savaşa.

Gözəl Azərbaycan - sevimli Vətən,

Sənə baş əyirəm! Əbədi yaşa!!!

 

Tərcümə: Baba Vəziroğlu

pia.az

 


loading...