Radik Vondraçek jurnalistlərə açıqlamasında bildirib
"İki ölkə arasında ticarət dövriyyəsinin azalması beynəlxalq bazarda qiymətlərin dəyişməsi ilə bağlıdır".
Bunu Çexiya Parlamentinin Deputatlar Palatasının sədri Radik Vondraçek jurnalistlərə açıqlamasında bildirib.
"Həmçinin bizim Azərbaycanda bəzi layihələrimiz vardı ki,onların müddəti artıq bitib" - deyə Vondraçek əlavə edib: "Mən deyərdim ki, indi bizim əlaqələrimizdə yenilənməyə ehtiyac var və bu səfərin məqsədi də elə budur".
Vondraçek qeyd edib ki, Bakıda keçirdiyi rəsmi görüşlərdə yeni spesifik layihələr barədə müzakirələr aparıb: "Dəyişən qiymətlər və sona çatan layihələr ticarət dövriyyəsinin azalmasına səbəb olsa da, düşünürəm ki, iki ölkə arasında əlaqələr müsbət istiqamətdə inkişaf edir".(ONA)
pia.az