Adamkul Junusov azadlığa buraxılıb
Korrupsiyada ittiham olunan və bu yaxınlarda Azərbaycandan ekstradisiya edilmiş Qırğızıstan Gömrük Xidmətinin keçmiş rəhbəri Adamkul Junusov azadlığa buraxılıb.
Virtualaz.org “Fabula press”ə istinadən xəbər verir ki, aprelin 5-də onun barəsində başlanmış cinayət işi məhkəməyə göndərilib. İstintaq müddətində Junusov fevralın 4-nə qədər təcridxanada saxlanılıb. Sonradan onun həbs müddəti aprelin 4-nə qədər uzadılıb. Lakin sonrakı qərar barədə məlumat yoxdur.
Qırğızıstanın hüquq-mühafizə orqanlarındakı mənbənin sözlərinə görə, Adamkul Junusov barəsində cinayət işi üzrə məhkəmə prosesi aprelin 24-nə təxirə salınıb və buna səbəb təqsirləndirilən şəxsin səhhətindəki problemlərdir. Hazırda Junusovun harada olması məlum deyil.
Junusov ötən ilin dekabr ayında Bakıda – Heydər Əliyev adına hava limanında Nyu-Yorkdan Bakıya səfər etdikdən sonra saxlanılıb. Sonradan o, Qırğızıstana ekstradisiya olunub.
pia.az