Bruney eyni cinsdən olan insanlar arasındakı cinsi əlaqələrə, xəyanətə və ya təcavüzə görə edam cəzasını, oğruluğa görə isə əlin və ya ayağın kəsilməsini tətbiq etməyə başlayacaq
Bruneyin Cinayət Məcəlləsinə edilmiş dəyişikliklər bunu nəzərdə tutur. Şəriət qaydalarına uyğun tətbiq edildiyi vurğulanan dəyişikliklər aprelin 3-də qüvvəyə minir.
Belə ki, eyni cinsdən olan insanlar arasında cinsi əlaqə, ərlə arvad arasındakı xəyanət və ya təcavüz bundan sonra Bruneydə daşqalaq yolu ilə edamla cəzalanacaq. Oğurluğa görə əl və ya ayağın kəsilməsi nəzərdə tutulur.
Cəzalar yetkinlik yaşına çatmamışlara da tətbiq oluna bilər.
Bruney praktikada edam cəzasını az tətbiq edir. Son edam narkoticarətdə suçlanmış adamın 2017-ci ildə asılması idi.
Bruney sultanı Həssənal Bolkiah hələ 1996-cı ildə çıxışlarından birində ölkədə Şəriət qaydalarının tətbiqinə çağırmışdı.
Hazırda ölkədə abort və ya spirtli içki içməkdə suçlananları şallaq cəzası gözləyir.(Milli.Az)
pia.az