“Cümhur ittifaqı”nın izdihamlı mitinqi olub

Azərtac xəbər verir ki, mitinq martın 31-də ölkədə keçiriləcək bələdiyyə seçkiləri ilə bağlı təbliğat-təşviqat kampaniyası çərçivəsində təşkil olunub.

Türkiyə Prezidenti, AKP-nin sədri Rəcəb Tayyib Ərdoğan və MHP-nin sədri Dövlət Baxçalı mitinqdə çıxış ediblər. Çıxışlarda əminliklə ifadə olunub ki, Türkiyə seçiciləri martın 31-də düzgün seçim edərək yerli özünüidarəetmə orqanlarını qurub yarada bilən namizədlərə etibar edəcəklər. Diqqətə çatdırılıb ki, namizədlərini qarşılıqlı olaraq dəstəkləyən AKP və MHP terrorizmə, o cümlədən FETÖ-yə və PKK-ya qarşı mübarizədə sonadək bir yerdə olacaqlar.

Qeyd edək ki, “Cümhur ittifaqı”nın Ankara Böyükşəhər Bələdiyyəsinə sədrliyə namizədi Ədalət və İnkişaf Partiyasının təmsilçisi Mehmet Özhasekidir.

pia.az