Kamaləddin Qafarov aztəminatlı ailələrlə görüşüb

Millət vəkili K.Qafarov ölkəmizdə gedən son quruculuq proseslərindən, sosial-iqtsadi tərəqqidən, Azərbaycan Respublikasının Prezidenti İlham Əliyev cənablarının əhalinin rifahının yüksəldilməsinə yönəlmiş, xalqın ürəyindən xəbər vermiş tarixi sərəncam və fərmanlarından, yeni islahatların stragesiyasından geniş söhbət açıb.

Sakinlər ötən həftənin sonunda öz işini başa çatdırmış Bakı Humanitar Forumu, Azərbaycana onlarla dünya şöhrətli siyasi xadimin gəlişi, ondan əvvəl ölkə rəhbəri İlham Əliyev və Birinci vitse-prezident Mehriban xanım Əliyevanını Şamaxı və Ağsu rayonlarında zəlzələdən ziyan çəkmiş insanlarla görüşü və digər əlamətdar hadisələr haqqında ətraflı şəkildə məlumatlandırılıblar.

K.Qafarov bildirmib ki, Azərbaycan Prezidenti İlham Əliyev Novruz bayramı ərəfəsində əfv fərmanı imzalayaraq 431 ailəni ürəkdən sevindirib və hər azərbaycanlının Prezidenti olduğunu növbəti dəfə sübuta yetirib.

Yeni Azərbaycan Partiyası Binəqədi Rayon Təşkilatının sədri Ramiz Göyüşov və sakinlər çıxış edərək əhalinin rifahına yönəlmiş son sərəncam və fərmanlara görə ölkə rəhbərliyinə minnətdarlıqlarını bildiriblər.

Görüşün sonunda millət vəkili tədbir iştirakçılarını Novruz bayramı münasibəti ilə təbrik edib, aztəminatlı ailələrə, əlil və şəhid ailələrinə bayram sovqatları təqdim olunub.

pia.az