"Ölkəmizə turist axınının artması bu sahənin inkişafından xəbər verir"
Bunu Baş nazir Novruz Məmmədov Milli Məclisdə Nazirlər Kabinetinin 2018-ci il üzrə hesabatını təqdim edərkən deyib.
Onun sözlərinə görə, ötən il Azərbaycanda səhiyyənin inkişafına, tibb müəssisələrinin maddi-texniki bazasının gücləndirilməsinə, müasir avadanlıqlarla təmin edilməsinə böyük diqqət ayrılıb, 47 tibb müəssisəsində təmir-tikinti işləri aparılıb.
O, turizm sahəsinin inkişaf etdiyini də diqqətə çatdırıb:
“Ötən il ərzində Azərbaycana gələn xarici turistlərin sayının artaraq 2,8 milyon nəfərə çatması bu sahənin inkişaf etməsindən xəbər verir”.
Ötən il idmançılarımızın böyük uğurlar qazandığını xatırladan, 2018-ci ildə ölkəmizdə 58 beynəlxalq yarışın keçirildiyini diqqətə çatdıran baş nazir idmançılarımızın 236 beynəlxalq turnirdə iştirak etdiyini, 263-ü qızıl olmaqla 753 medal qazandığını bildirib. (oxu.az)
pia.az