ABŞ-ın dövlət katibi Maykl Pompeo Birlşmiş Ştatlaırn iqtidarları dəyişməsini istədiyi ölkələri sadalayıb
Mayk Pompeo fikirlərini “Telemundo” kanalında açıqlayıb.
M.Pompeonun sözlərinə görə, ABŞ Venesuela, Kuba və Nikaraquada eyni fəaliyyəti yürütmək niyyətindədir.
“Ümid edirəm ki, bu ölkələrin vətəndaşları onlara təlqin edilən avtoritarizmin gərəkli olmadığını başa düşərlər”,-deyə dövlət katibi bildirib.
ABŞ rəsmisi Amerika xalqının həmin dövlətlərdə hakimiyyət dəyişikliyini istəyənlərin hər zaman arxasında duraağını vəd edib.
“Bloomberg” agentliyi isə Donald Trampın Venesuela prezidenti Nikolas Maduronun devrilməsindən sonra görəcəyi tədbirlər barədə yazıb.
Buna görə, ABŞ Venesuelanın neft şirkəti PDVSA-nın üzərindən sanksiyaları götürərək onun ABŞ-dakı törəmə şirkəti “Citgo” nun iflasını dayandıracaq.
Bundan başqa, Birləşmiş Ştatlar hökumətin dəyişməsi halında bir sıra iqtisadi yardım paketləri də hazırlayıb. Xüsusilə qanunvericilik qaydasında Venesuelanın kreditorlardan qorunması, habelə onun borclarının yenidən strukturlaşdırılması yönündə tədbirlər görüləcək.
“Bloomberg” eyni variantın 2003-cü ildə Səddam Hüseyn devrildikdən sonra həyata keçirildiyini xatırladıb. (müxalifet.az)
pia.az