"Yuventus"un baş məşqçisi Massimiliano Alleqri Çempionlar Liqasının 1/8 final mərhələsində "Atletiko"ya məğlubiyyəti (0:2) şərh edib
PİA.AZ goal.az-a istinadən xəbər verir ki, çalışdırıcı komandasının oyuna adaptasiya oluna bilmədiyini deyib.
"Bilirdim ki, "Atletiko" bizə göz açdırmayacaq. Matça köklənə bilmədik və cəzalandırıldıq. İkinci yarı, sanki, dəhşətli bir yuxu idi. Heç vaxt bu cür bərbad oynamamışdıq. Səhvlərimiz çox oldu. "Atletiko" kimi klubla oyunda buraxılan kiçik bir səhv böyük problem yaradır.
Rəqibin matça tam nəzarət etməsinə imkan yaratdıq. Cavab qarşılaşması asan olmayacaq. Əlimizdən gələni etməliyik. Ümidsiz deyiləm. Şansımız itirilməyib", - Alleqri deyib.
pia.az