Əgər AK Partiya bu seçkidən güclənərək çıxmazsa, Türkiyənin xarici təhdidlərə qarşı mübarizə aparmağı çox çətin olacaq
Serdar TURGUT 20 fevral 2019-cu il
haberturk.com
Vaşinqtonda işləyib, milli təhlükəsizliklə və xarici münasibətlərlə bağlı yazılar yazan bir jurnalistin istər ümumi, istərsə də, yerli seçkilərə Türkiyənin davamlılıq problemi olaraq yanaşması təbii haldır.
Çünki mənim işlədiyim şəhərdə Türkiyəyə qarşı necə qaranlıq oyunlar oynamağa çalışdıqlarını, sadəcə Amerika hökumətinin deyil, onun yaratdığı qlobal əlaqələrlə Türkiyənin necə hədəf halına gətirildiyini hər gün görürəm və dinləyirəm.
Strateji yalanları göstərmək məqsədilə öyrəndiklərimi sizə dəqiq şəkildə ötürməyə çalışıram.
Təhlükəli oyunlar
Türkiyənin daxili siyasətini Vaşinqtonu izlədiyim qədər diqqətli şəkildə izləyə bilmirəm. Amma onu bilirəm ki, ölkəmizə qarşı planlanmış oyunlarla, təhlükəli hücum cəhdləri ilə sağlam şəkildə mübarizə apara bilməsi üçün indi Türkiyənin güclü bir rəhbərliyə həmişəkindən daha çox ehtiyacı var.
Prezident Ərdoğan haqlı olaraq Türkiyənin ardəcıllıq problemi haqqında danışır.
Görünür, müxalifət və xüsusilə, CHP bunu başa düşmür və yerli seçkilərin bu problemlə olan əlaqəsini sorğulayır.
Ölkəmizi düşmən kimi görənlərin və oyun oynamaq istəyənlərin tək istəyi yaxınlaşan seçkidə Ağ partiyanın zəiflədiyini görməkdir. Çünki əgər belə olsa, Prezident Ərdoğanın iqtidarının zəifləmə müddətində olduğunu söyləyərək bundan da təhlükəli oyunları üçün bir strategiya kimi istifadə edəcəklər.
Buna görə də, tariximizin bu mərhələsində Türkiyənin həqiqətən də bir ardıcıllıq problemi var və yaxınlaşan yerli seçki sadəcə bələdiyyə seçkisi deyil, həm də bu davamlılıq məsələsi ilə bağlı bir problemdir. Prezident Ərdoğan bunu vurğulamaqda sonuna qədər haqlıdır.
Ortaq bir məxrəc kimi vətən sevgisi
Mənim tipik bir AK Partiya seçicisi olduğumu demək olmaz. Amma bu ölkənin Atatürkçü qisimlərinin vətən sevgisi ortaq zəminində AK Partiyaya dəstək verməli olduqlarını düşünürəm. Əgər bu dəstək verilsə, Türkiyə Prezident Ərdoğanın liderliyində ölkəyə qarşı oynanılan oyunları daha rahat şəkildə poza bilər.
Əlbəttə ki, hər məsələdə razılaşmaqdan, dəstək verməkdən danışmıram. Amma mövzu vətən olduqda onu sevmək baxımından çox rahat şəkildə razılaşacağımızı bilirəm və hiss edirəm.
Əgər AK Partiya bu seçkidən güclənərək çıxmazsa, Türkiyənin xarici təhdidlərə qarşı mübarizə aparmağı çox çətin olacaq.
Türkiyəyə qarşı milli təhlükəsizlik təhdidlərini izləməkdən yorulmuş bir Amerika siyasəti mütəxəssisi olaraq mənim bu seçkidəki dəstəyim tam olaraq AK Partiyanın və prezident Ərdoğanın bu seçkidən daha da güclənmiş şəkildə çıxmasından yanadır. Bu, həqiqətən də Türkiyənin ardıcıllıq problemidir.
Tərcümə PİA.az-ındır
Fatimə ƏLİYEVA
pia.az
Digərxəbərlər
Populyar xəbərlər
