Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

"Əlilliyin qiymətləndirilməsində vətəndaşla nazirlik arasında təmas yoxdur" — ƏƏSMN

Əlilliyin qiymətləndirilməsində vətəndaşla Əmək və Əhalinin Sosial Müdafiəsi Nazirliyi (ƏƏSMN) arasında təmas yoxdur

PİA.az bildirir ki, nazirlikdən Trend-ə verilən məlumata görə, bir sıra sosial şəbəkə səhifələrində Cəfərov Vaqif Salman oğlu və Mustafayev Valeh Füzuli oğlunun onlara əlilik təyin olunması üçün rüşvət istənildiyinə dair iddiaları yayımlanıb.

Bununla əlaqədar bildiririk ki, əlillik təyin olunması üçün vətəndaşın Tibbi-Sosial Ekspert Komissiyasına (TSEK) müraciət etməsi, onun TSEK-də əyani müayinə olunması praktikası hazırda mövcud deyil. Yəni indi heç kim ona əlillik təyin olunması üçün TSEK-ə müraciət etmir, əlillik qrupunun verilməsi prosesində vətəndaşla TSEK arasında heç bir kontakt baş vermir.

Bu proses elektron sistem tərəfindən həyata keçirilir. Belə ki, hər hansı şəxsin əlilliyinin qiymətləndirilməsi üçün müvafiq səhiyyə müəssisəsi tərəfindən Tibbi-Sosial Ekspertiza və Reabilitasiya Alt Sisteminə göndəriş (forma 88) daxil edilir. Göndərişdə şəxsin kimliyi, hansı ünvanda yaşadığı, göndərişin hansı səhiyyə müəssisəsi tərəfindən verildiyi bilinmədən, yalnız göndərişdəki xəstəlik vəziyyəti əsasında bu və ya digər TSEK tərəfindən əlillik qiymətləndirilir və əlillik qrupunun təyin edilib-edilməməsi barədə qərar verilir. (Əgər şəxs bu qərardan narazı qalarsa, o zaman, müvafiq komissiya təşkil edilməklə, onun əlilliyinin qiymətləndirilməsi birbaşa özünün iştirakı ilə aparılmasına, əyani müayinəyə da şərait yaradılır.)

Qeyd olunanlara əlavə olaraq bildiririk ki, indiyədək V.Cəfərov və V.Mustafayevlə bağlı elektron sistemə hər hansı göndəriş daxil olmayıb, eyni zamanda bu vətəndaşların Nazirliyə və Dövlət Tibbi-Sosial Ekspertiza və Reabilitasiya Xidmətinə hər hansı müraciətləri də olmayib. Səhiyyə müəssisəsi tərəfindən onlarla bağlı göndərişlər təqdim edildiyi təqdirdə əlilliyin qiymətləndirilməsi obyektiv şəkildə həyata keçiriləcəkdir.

Bir daha bildiririk ki, ƏƏSMN tərəfindən öz fəaliyyət sahələri üzrə xidmət sektorlarının şəffaflaşdırılmasına, vətəndaş məmnunluğunun təminatına yönələn islahatlar qarşıdakı dövrdə də davam etdiriləcək. Bu sahələrdə vətəndaşlarla ünsiyyətdə neqativ hallarla, rüşvət istənilməsi faktları ilə rastlaşan hər hansı vətəndaş 142-Çağrı mərkəzi və ya (012) 596 50 14 nömrələri ilə əlaqə saxlayaraq müraciət edə bilər. Hər bir belə müraciət ciddi şəkildə araşdırılacaq və nəticəsinə uyğun olaraq ciddi tədbirlər görüləcək.

pia.az


Etiket: ƏƏSMN əlillik

Şərh yazın.


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Uçot dərəcəsi endirilir, amma kredit faizləri azalmır. Nədən...

Məşhur avtomobil markasının Azərbaycanda istehsalına başlanıldı    

Bakıda “Prius”ların kütləvi satışına başlanıldı - Foto    

Fələstinin yeni xarici işlər naziri ermənidir...

Alen Simonyan və Sahibə Qafarova arasında keçiriləcək növbəti görüşün tarixi məlum olub

Şəkidə 26 yaşlı gənc sirkə turşusundan zəhərlənib

Aygün Kazımova ilə Namiq yenidən məşhur dueti oxudu - Video

Ən çox oxunanalar