Rusiya və Ermənistan arasında ən müasir AK-12 avtomatlarının satışı ilə bağlı müqavilə imzalanıb
Virtualaz.org RİA “Novosti”yə istinadən xəbər verir ki, “Kalaşnikov” konserninin baş direktoru Vladimir Dmitriyevin sözlərinə görə, ermənilərə göndəriləcək silahın ilk partiyasına cəmi 50 avtomat daxildir.
“Hələlik deyə bilərəm ki, Ermənistan Rusiyadan AK-12 avtomatları almış ilk ölkə olacaq. Müqavilə imzalanıb, hələlik kiçik partiya hazırlamışıq ki, bura təxminən 50 avtomat daxildir. Baxacaqlar, işdə sınaqdan keçirəcəklər və ümid edirik ki, almaqda davam edəcəklər”, - Dmitriyev bildirib.
Vladimir Dmitriyev
Avtomata maraq göstərən qurumlar barədə danışan Dmitriyev əlavə edib ki, “Kalaşnikov” hazırda Rusiyanın güc strukturları ilə danışıqlar aparır, lakin yeni avtomata kütləvi tələbat haqqında danışmaq hələlik tezdir. “Fikirləşirəm ki, biz tədricən “Rosqvardiya”nı, FTX-ni və digər güc strukturlarını silahlandıracağıq”, - konsern başçısı qeyd edib.
Daha öncə verilən məlumata əsasən, Rusiya Müdafiə Nazirliyi AK-12 və AK-15 avtomatlarını cəbbəxanasına qəbul edib. Ötən ilin sonlarında bu silahların ilk partiyası Rusiya ordusuna təqdim olunub.
pia.az