Türkiyənin kənd təsərrüfatı məhsullarının topdansatış bazarlarında soğan sürətlə bahalaşır
Türkiyə KİV-nə istinadən xəbər verir ki, ötən həftədən soğanın kiloqramı 6 lirəyə (2 AZN-ə) satılır. Türkiyə qiymətləri Azərbaycandan soğan idxal etməklə azaltmağa çalışır. (virtualaz.org)
Ölkənin Kənd Təsərrüfatı İstehsalçılar Birliyinin rəhbəri Yüksel Tavşan yerli mətbuata açıqlamasında firmaların Azərbaycandan soğan almaq üçün danışıqlara başladıqlarını deyib. Soğanın qiymətinin alınma, daşınma, saxlama kimi xərclərlə birgə 2,5-3 lirə arasında olacağı ehtimal edilir.
"Soğan ixracı anbarların boşalmasına, yəni iş adamlarının əldəki məhsullarını sürətlə bazara çıxarmasına səbəb olacaq. Anbarlardakı məhsulların bazara çıxarılması isə qiymətləri azaldacaq. Soğandan əlavə bibər, pomidor və badımcan kəskin ucuzlaşmayacaq, qış mövsümündə bu məhsullar 1-2 liraya satıla bilməz”,- birlik rəhbəri əlavə edib.
pia.az