Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

“Paşinyanın başqa yolu yoxdur”

Professor barış imkanlarından danışdı

“Parisdə danışıqlar prosesindən sonra verilən bəyanat reallığa söykənirsə, hesab edirəm ki, çox ciddi nəticə əldə edilib. Xalqları sülhə hazırlamadan sülhə nail olmaq mümkün deyil. Amma sülhün əldə edilməsində də qarşı tərəf getdiyi kompromisləri açıqlamalıdır. Bu münaqişə bizim qədər Ermənistana da mənfi təsir göstərir, onu inkişafdan saxlayır”.

Pia.az xəbər verir ki, bu fikirləri hüquq elmləri doktoru, professor Rüstəm Məmmədov Dağlıq Qarabağ danışıqlarını Teleqraf.com-a şərh edərkən deyib.

Onun sözlərinə görə, xalqların sülhə hazırlanması prosesi daha çox Ermənistana aiddir:

“Bunun üçün Ermənistanda təbliğatın xətti ciddi şəkildə dəyişməlidir. Əgər, erməni təbliğatının xətti dəyişərsə və Qarabağ münaqişəsinə dair Azərbaycanın xeyrinə güzəştlərə gedilərsə, bu zaman problem həll edilə bilər. Sözsüz ki, Ermənistan haqq yoluna gələ, regional layihələrdən yararlana, Azərbaycanla əlaqələrini bərpa edərək inkişaf yoluna başlaya bilər. Mən hələlik buna qəti inanmıram. Çünki Ermənistan tərəfi xalqların sülhə hazırlanması məsələsinə reaksiya verməyib. Ancaq bu münaqişə əvvəl-axır öz həllini tapmalıdır. Nə qədər tez həll edilsə, Ermənistanın dünyaya qapıları bir o qədər tez açıla bilər. Yerevanda oturanlar bunu ciddi düşünməlidir”.
Mütəxəssis əlavə edib ki, yeni erməni hakimiyyətinin konfliktin həllində nə dərəcədə maraqlı olduğu haqda konkret söz deyə bilməz.

Ermənistanın daxili durumunun gərgin və acınacaqlı olduğunu qeyd edən Rüstəm Məmmədova görə, qonşu dövlət əslində pis durumdadır:

“Bu gün ABŞ da, Rusiya da onun əleyhinədir. Bu mənada Ermənistan real vəziyyətdən nəticə çıxarmalıdır. Hesab edirəm ki, Paşinyanın başqa yolu yoxdur”.

Rusiyanın Ermənistanla yüksək əlaqələrə malik olmadığını bildirən professorun qənaətinə görə, son dövrlər Moskva daha çox Azərbaycanın maraqlarına uyğun mövqe ifadə edir:

“Sanki ruslar anlayıb ki, konflikt qaldıqca Rusiyanın cənubunda böyük təhlükə ocağı mövcud olacaq”.

pia.az



Şərh yazın.


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Uçot dərəcəsi endirilir, amma kredit faizləri azalmır. Nədən...

Məşhur avtomobil markasının Azərbaycanda istehsalına başlanıldı    

Bakıda “Prius”ların kütləvi satışına başlanıldı - Foto    

Fələstinin yeni xarici işlər naziri ermənidir...

Alen Simonyan və Sahibə Qafarova arasında keçiriləcək növbəti görüşün tarixi məlum olub

Şəkidə 26 yaşlı gənc sirkə turşusundan zəhərlənib

Aygün Kazımova ilə Namiq yenidən məşhur dueti oxudu - Video

Ən çox oxunanalar