Ronaldu qaçırılan penaltilərdə Messiyə çatdı

Hücumçu A seriyasının "Kyevo" ilə görüşündə (3:0) qapıçı ilə dueldən məğlub ayrılıb.

Belə ki, Stefano Sorrentino portuqaliyalının zərbəsini dəf edib. 25-ci dəfə 11 metrlik nöqtədən fərqlənə bilməyən Ronaldu bu mənfi statistikada Lionel Messiyə çatıb. "Barselona"nın argentinalı ulduzu da karyerasında 25 xətaya yol verib.

Lakin Ronaldu 139, Messi isə 108 penalti yerinə yetirib. Bir sözlə, portuqaliyalı belə imkanların 84, argentinalı isə 77 faizini qola çevirib.

Qeyd edək ki, Kriştianu ilk dəfə "Yuventus"un heyətində penalti qaçırıb. Onun əvvəlki 4 cəhdi uğurlu alınmışdı.(matç.az)

pia.az