Polşanın xarici işlər naziri Jacek Czaputowicz Polşada nəşr olunan “Rzeczpospolita” qəzetinə verdiyi müsahibədə, ABŞ ilə birlikdə Varşavada təşkil edəcəkləri “Yaxın Şərq” Sammitinə ev sahibi ölkə kimi, İranı dəvət etmədiklərini bildirib
Czaputowicz konfransın İranı tamamilə təcrid etmək məqsədilə keçirildiyi sualına, "İranı dəvət etməmişik, çünki belə bir dəvət konfrans çərçivəsində müzakirələrin normal şəkildə həyata keçirilməsinə imkan verməzdi. İranlılar qəbul edilməsi çətin bir dil istifadə edirlər. Son olaraq da belə bir dili Polşa üçün istifadə etdilər" cavabını verib.
Sözügedən konfransla ABŞ-ın Polşadan İran nüvə sazişinə qarşı çıxmasını tələb etməsinə bir addım daha yaxınlaşması, nüvə müqaviləsini dəstəkləyən Brüssel ilə qarşı-qarşıya gələcəyi sualına isə Czaputowicz, "Biz Aİ-yə qarşı deyilik. Biz Avropa Birliyinin üzvüyük və sözügedən müqavilənin müsbət rol oynadığı fikrini bölüşürük" cavabını verib.
Czaputowicz, sözügedən konfransın Aİ-nin bu çıxılmaz vəziyyətdən xilas olması üçün bir fürsət ola biləcəyini də bildirib.
Rusiya konfransda iştirak etməyəcək
Nazir Czaputowicz Rusiyanın da onlara konfransda iştirak etməyəcəyi məlumatını çatdırdığını söyləyərək, "Bu konfransın Rusiyanın maraqlarına xidmət etmədiyini göstərir. Təəssüf. Çünki Rusiya Yaxın Şərqdə mühüm rol oynayır" deyib.
Czaputowicz iştirak etdiyi Brüsseldəki AB xarici işlər nazirləri toplantısında isə Yaxın Şərq Zirvəsinin heç bir dövlətə qarşı keçirilmədiyini qeyd edib. (Müxalifət.az)
pia.az