Əfqanıstanın paytaxtı Kabil şəhərində törədilən terror hücumu nəticəsində 4 nəfər ölüb, 10-u uşaq olmaqla 44 nəfər yaralanıb
Bu barədə ölkənin Daxili İşlər Nazirliyinin sözçüsü Nəcib Danış “Facebook”dakı səhifəsində yazıb.
Bundan əvvəl paytaxtın hava limanı yaxınlığında yerləşən, əsasən, əcnəbilərin yaşadığı və güclü mühafizə olunan “Green Village” kompleksi yaxınlığında bu gün axşam saatlarında partlayıcı maddə ilə dolu avtomobilin partladıldığı bildirilmişdi.
***
Əfqanıstanın paytaxtı Kabildə baş verən terror aktında yaralananların sayı 90 nəfərə çatıb.
"Report" xəbər verir ki, bu barədə ölkənin Daxili İşlər Nazirliyinin rəsmi nümayəndəsi Nəcib Daniş özünün "facebook" səhifəsində məlumat yayıb.
Onun sözlərinə görə, yaralılar arasında 23 uşaq var. Nazirlik rəsmisi həmçinin qeyd edib ki, ölənlərin 3-ü hərbçi, 1-i isə mülki şəxsdir.
Daha əvvəl Əfqanıstanın qərbindəki Badghis əyalətinin iki bölgəsində “Taliban” hərəkatının üzvləri ilə toqquşmalarda 21 polis və hərbçi həlak olub.
pia.az