Panamada aşkar olunan, suda-quruda yaşayan amfibiyaların yeni növü ABŞ prezidenti Donald Trampın şərəfinə adlandırılıb
Heyvanlar aləminin kəşf olunan təzə üzvünü adlandırmaq üçün hətta xüsusi hərrac təşkil edilib.
“The Guardian” qəzetinin məlumatına görə, hərracda yığılan pullar tropik meşələrin xilası ilə məşğul olan “Rainforest Trust charity” fonduna köçürülüb.
Hərracın gedişində saf ekoloji tikinti materiallarının istehsalı ilə məşğul olan şirkətin rəhbəri Eyden Bell onu adlandırmaq hüququnu əldə edib.
E.Bell tərəddüd etmədən amfibiyaya “Dermophis donaldtrumpi” deyə ad qoyub. Bunun üçün britaniyalı biznesmen cibindən 25 min avro ödəməli olub.
Qeyd olunur ki, balaca kor amfibiya torpağın altında yaşayır və başını quma basdırmağı bacarır. Bununla biznesmen həşəratla ABŞ prezidenti arasında bənzərlik olduğunu qeyd edib.
Bellin fikrincə, “Dermophis donaldtrumpi”nin kökü adaşının iqlim siyasəti nəticəsində kəsilə bilər.
Xatırladaq ki, bu il kəpənəklərin yeni bir növü də Donlad Trampın şərəfinə “Neopalpa donaldtrumpi” adlandırılıb.(musavat.com)
pia.az
Digərxəbərlər
Populyar xəbərlər
