Milyarder Corc Soros “İlin adamı” elan olunub
Milyarderə bu adı “Financial Times” qəzeti verib. Soros bu adı “təcəssüm etdirdiyi dəyərlərə” görə alıb.
Nəşrin ekspertlərinin fikrincə, Soros “liberal demokratiyanın və açıq cəmiyyətin bayraqdarıdır”. Qəzet həmçinin bildirib ki, milyarder xeyriyyəçilik fəaliyyətini irqçilik, avtoritarizm və dözümsüzlüyə qarşı mübarizəyə sərf edir.
Corc Soros dünyanın ən varlı adamlarındandır. Onun var –dövləti 25 milyard dollar dəyərindədir. ABŞ-dakı ötən seçkilərdə o, Hillari Klintonun prezidentlik kampaniyasına 6 milyon dollar ianə vermişdi.
Bir sıra siyasətçilər Sorosu öz şəxsi siyasi maraqları naminə bir sıra ictimai təşkilatlara dəstək verdiyini iddia edirlər.(Strateq.az)
pia.az