Parisi sabah 8 min polis qoruyacaq

O, sabahkı aksiyada 8 min polisin iştirak edəcəyini vurğulayıb.

Rəis ən pis vəziyyətə qarşı hazırlaşdıqlarını və buna görə təhlükəsizlik tədbirləri aldıqlarını bildirib.

Onun sözlərinə görə, keçən həftə keçirilən aksiyada təhlükəsizlik baxımından yaxşı hazırlaşmalarına baxmayaraq bəzi xoşagəlməz hadisələr baş verib, hazırda bunların təkrarlanmaması üçün işlər görürlər.

M. Delpuech sabah Parisi 8 min polis ilə 14 zirehli maşının qoruyacağını, ölkə daxilində keçən həftəki kimi təhlükəsizlik tədbirlərinin oxşarının tətbiq olunacağını deyib: “Keçən aksiyada ölkə daxilində 89 min polis iş başında idi. Parisi isə 8 min polis qoruyurdu”.

"Sarı jiletli"lər hökumətin aksiyanın ləğv olunmasına dair göstərişinə və prezident Emmanuel Makronun açıqlamalarına baxmayaraq sabah ölkə daxilində hərəkət edəcəklərini bildiriblər.

Fransa hökumətinin sözcüsü Benjamin Griveaux da çərşənbə axşamı Strasburqda keçirilən silahlı hücumdan sonra "sarı jiletli”lərdən şənbə günü yeni bir aksiya keçirməməyi istəmişdi.

Xatırladaq ki, Fransada yanacağın qiymətinin artması və iqtisadi şəraitin pisləşməsinə reaksiya olaraq 17 noyabrdan başlayan, daha sonra Makron rəhbərliyinə qarşı qəzəbə çevrilən "sarı jiletli”lərin aksiyaları ölkədə son illərin ən şiddətli etirazı halına gəlib.

Şəhər mərkəzlərindəki ev icarələrinin yüksək olmasına görə, şəhərkənarı bölgələrdə yaşayanlar Makrondan iqtisadi şərtlərin yaxşılaşdırılmasını tələb edirlər.

Qeyd edək ki, aksiyalarda indiyə qədər 4 nəfər həyatını itirib, 4 min 99 nəfər saxlanılıb, mindən çox adam isə yaralanıb.(Aznews.az)

pia.az