Türkiyəli müğənni Bülent Ersoy açılış mərasimlərindən birində yeni imici ilə hər kəsi təəccübləndirib
PİA.AZ axşam.az-a istinadən bildirir ki, saçlarını boyayıb, kül rəngində edən Bülent səhnəyə çıxaraq mahnılar oxuyub.
Ersoy yenə də fərqli makiyaj edib, bahalı zinət əşyaları taxıb. müğənni yeni ifaçılardan gileylənərək "Yaxşı ki, Zeki Müren və Müzeyyen Senar ölüb. Çünki bu çirkli səsləri eşitsəydilər, utanıb, ölərdilər. Mən ölmürəm, yəqin səbrim var. Bizim vaxtımızda studiyaya girib, mahnı oxuyurduq. Səs nə cür idisə, elə də çıxırdı. İndi səslə oynayırlar" deyib.
Diva daha sonra "Gerçəkləri son dərəcə realist olaraq deməliyik. Mənim həyatım birdəfəlik deyil. Miladdan əvvəlim və sonram var. Kim oynayacaq mənim obrazımı? Əslində, özüm canlandıra bilərəm. Amma 48 ili təkrar yaşamaq məni yorar" söyləyərək, özü haqqında film çəkilməsini istəmədiyini bildirib.
pia.az