Dünən Ermənistanın Sisian (Qarakilsə) vilayətində bir qrup müqaviləli hərbi qulluqçu qar uçqununa düşüb
Virtualaz.org yerli KİV-ə istinadən bildirir ki, bu barədə Ermənistan Müdafiə Nazirliyinin mətbuat katibi Artsrun Hovhannisyan məlumat verib.
"Hərbi qulluqçular qar uçqunu altında qalıb. Bir nəfərdən başqa, qalanlarını tapmaq mümkün olub. Hazırda axtarış xilasetmə tədbirləri davam edir", - deyə Hovhannisyan qeyd edib.
Xatırladaq ki, belə hadisə bir neçə gün əvvəl Qeqarkuniks vilayətində də baş vermişdi. Dağlarda qar uçqununa düşmüş hərbi qulluqçu üç gün sonra ölmüş vəziyyətdə tapılmışdı.
pia.az