Azərbaycana gətirilən avtomobilə rekord rüsum - Foto

Gürcüstandan Azərbaycana avtomobil gətirmək üçün tələb olunan rüsum heç vaxt təkrar olunmayacaq mütləq rekorddur

Almaniya istehsalı olan 10 min dollarlıq (17 min manat) "Mercedes" markalı avtomobili qonşu ölkə Gürcüstandan Azərbaycana gətirmək üçün 117 min manatlıq rüsum vermək lazımdır.

Dövlət Gömrük Komitəsinin (DGK) rəsmi saytında qeyd olunanlara görə, istehsal tarixi 1 ildən çox və mühərrikin işçi həcmi 6300 sm.kub olan avtomobili Gürcüstandan Azərbaycana keçirə bilmək üçün 116849.76 manat cəmi vergi tələb olunur. Belə ki, sözügedən avtomobil üçün aksiz vergisi 83,400 manat, mühərrikin işçi həcminə görə tutulan gömrük rüsum 12,852 manat, əməliyyat haqqı 120 manat, vəsiqə haqqı 30 manat, ƏDV 20,412.36 manat, elektron gömrük xidmətinin göstərilməsinə görə 30 manat, elektron gömrük xidmətinin göstərilməsinə görə ƏDV 5.4 manat, ümumilikdə isə 116,849.76 manat vergi ödənilməlidir.

Qeyd edək ki, rəqəmlərdə sadəcə rəsmi rüsumlar göstərilib.(kommersant.az)

pia.az

Şahidi olduğunuz hadisələri çəkib bizə göndərin!

Etiket: Azərbaycana gətirilən avtomobil rekord rüsum

Şərh yazın.

Natiq

Son yarım ayda Bakı Baş Gömrük İdarəsi tərəfindən bütün idxal edilən malların gömrük dəyəri məcburi şəkildə qaldırılır. Razı olmayanların malları həftələrlə buraxılmır.