Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

ABŞ PKK terror təşkilatı ilə ortaq hərbi baza qurur - Gizli anlaşma ortaya çıxdı

ABŞ-ın Suriyada qurmaq niyyətində olduğu nəzarət məntəqələri ilə bağlı PKK/PYD ilə razılaşdığı aşkara çıxıb

ABŞ-ın “regionun təhlükəsizliyi” adı altında Suriyanın şimalında quracağı nəzarət məntəqələri ilə əlaqədar PYD/PKK ilə razılaşma əldə elədiyi barəsindəki məlumatı YPG terrorçusu etiraf edib. Açıqlamaya görə, qurulacaq hərbi bazalarda ABŞ hərbçiləri ilə terrorçular birlikdə xidmət edəcəklər.

Türkiyənin Fərat çayının şərqini YPG/PKK terror təşkilatından təmizləmək qətiyyəti və bölgədəki terror mövqelərinə top atəşlərindən sonra bölgədəki “icraçılarını” qorumaq təlaşında olan ABŞ-ın müşahidə məntəqələri oyununun mahiyyəti aşkara çıxıb. ABŞ müdafiə naziri Cim Mattisin “Türkiyənin narahatlıqlarının səbəblərini aradan qaldırmaq üçün Suriyanın şimalında müşahidə məntəqələri quracağıq” açıqlamasının altından yeni bir terror qalxanı layihəsi çıxıb.

Pentaqon ilə YPG arasında əldə edilən razılaşmaya görə, sərhədin 5 müxtəlif nöqtəsində qurulacaq müşahidə məntəqələrində terrorçular da ABŞ hərbçiləri ilə birlikdə xidmət edəcəklər.

5 yer müəyyənləşdirilib – Suriya dövlətindən qoparılan torpaqlarda baza qururlar

Mərkəzi ofisi Londonda yerləşən “Şarkul Avsat” adlı ərəbdilli qəzetə müsahibə verən YPG/PKK terrorçusu, Türkiyədən Fərat çayının şərqində yuva salmış terrorçulara hücumların qarşısını almaq məqsədilə Vaşinqton iqtidarının müşahidə məntəqələri qurmağa başladığını söyləyib.

Ayn Əl Arabda 2, Tel Abyadda da 3 müşahidə məntəqəsi qurulmağa başladığını bildirən YPG terrorçusu, Resulayn, Amuda və Derbesiyədə də bənzər bazaların tikiləcəyini bildirib. Adı açıqlanmayan terrorçu bu müşahidə nöqtələrində YPG terrorçularının da yerləşəcəyini qeyd edib. Ərəb qəzetinə müsahibə verən terrorçu Pentaqon ilə təşkilat arasında bir illik müqavilə imzalandığını və müşahidə nöqtələrinin müzakirələr nəticəsində müəyyənləşdiyini bildirib.

30 min nəfərlik terror ordusu qurulacaq

Ərəb mətbuatına müsahibə verən YPG terrorçusu 30 min nəfərlik terror ordusu qurulacağını da bildirib. YPG terrorçusu deyib: “ABŞ hərbçiləri 30 min nəfər yeni SDQ üzvünə təlim verib onları silahlandıracaq. Bu qüvvə İŞİD-in yatmış hücrələri və Suriyadakı İran hərbi varlığına qarşı mübarizə aparacaqdır”.

Terrorçu, ABŞ ilə YPG arasındakı razılaşmanın 2019-cu ilin sonuna qədər uzadıla biləcəyini də söyləyib.(Hurriyyet.org)

pia.az


Etiket: ABŞ PKK hərbi baza

Şərh yazın.


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Yarım milyon mənimsəyən baş həkim həbsdə öldü    

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Uçot dərəcəsi endirilir, amma kredit faizləri azalmır. Nədən...

Məşhur avtomobil markasının Azərbaycanda istehsalına başlanıldı    

Bakıda “Prius”ların kütləvi satışına başlanıldı - Foto    

Alen Simonyan və Sahibə Qafarova arasında keçiriləcək növbəti görüşün tarixi məlum olub

Fələstinin yeni xarici işlər naziri ermənidir...

Şəkidə 26 yaşlı gənc sirkə turşusundan zəhərlənib

Ən çox oxunanalar