Cənubi Qafqaz Təhlükəsizlik və Sülh İnstitutunun sədri Məhəmməd Əsədullazadə yazır
Rusiya prezidenti Vladimir Putinin Keçmiş SSRİ-də doğulan hər kəs istədiyi təqdirdə Rusiya vətəndaşlığı ala biləcək qərarı, siyasi xarakter daşıyır.
Əsasən bu qərar Rusiyanın MDB məkanında nüfuzunu və siyasi təsirini artırmağa hesablanıb. Rusiya xaricdə öz vətəndaşlarının müdafiəsi üçün istənilən ölkəyə hərbi müdaxilə imkanı verən qanuna malik olduğunu nəzərə alsaq, bu qərarın region üçün təhlükə və ekspansiya daşıdığını görərik. Putinin bu qərarı MDB ölkələrini gələcək perspektivdə hərbi təzyiq altında saxlamaq üçün hüquqi baza hazırlamaqdı.
Qeyd edim ki, Rusiya MDB-ni öz nüfuz dairəsi hesab edir və Qərbin bu regionda mövqeyinin güclənməsinin qarşısını aılmaq üçün çox ciddi planlar hazırlayır. Kremlin bu qərarı əsasən, məhz bu palnın tərkib hissəsidir. Putin yaxşı bilir ki, MDB ölkələrində sosial vəziyyət aşağıdır, bu dövlətlərin vətəndaşları Rusiyada işçi miqrant kimi çalışır. Ona görə də bu qanunla MDB -dən olan miqrantlara vətəndaşlıq verəcək, həmçinin digər post-sovet ölkələri vətəndaşları üçün bu qanun həvədlındirici amil olaraq Rusiya təbəliyinə yol açacaq. Təsvvür edin ki, Azərbaycandan iki milyon vətəndaşımız Rusiyada çalışır. Onlara Rusiya vətəndaşlığının verilməsi və həmçinin yeni gedənlərə bu imkanın tanınması ölkəmiz üçün təhlükəsizlik risklərini artırır. Hesab edirəm ki, Azərbaycan, hımçinin dugər post-sovet ölkələrinin parlamentləri qanun qəbul etməli, MDB dövlətləri ilə ikilivətəndaşlıq qanunla ləğv etməlidir. Əgər, Rusiya belə bir qanun qəbul edirsə, deməli buna qarşı dövlətlər özlərini qorumalıdır.
Göründüyü kimi Rusiya heç də regionda sülh və təhlükəsizlik üçün deyil, yalnız qonşu ölkələrə təhdid siyasəti yürüdür. ABŞ başda olmaqla, Qərbin Risiyaya qarşı sanksiyaları məhz bu ölkənin aqressiyasının qarşısın almağa, region dövlətlərini işğaldan qorumağa hesablanıb.
pia.az