Əgər Rusiya Azov dənizini Ukrayna gəmiləri üçün bağlasa bu Kiyev və Moskva arasında böyük müharibəyə təkan verə bilər
Bu barədə Ukrayna Silahlı qüvvələri Baş qərargahının keçrmiş rəis müavini, general-leytenant İqor Romanenko danışıb.
“Apostrof” saytındakı məqalədə Romanenko Ukraynanın Rusiya Federasiyası Silahlı Qüvvələri ilə savaşmaq gücündə olmadığını etiraf edib. Onun fikrincə, heç Qərbin özü də 3-cü dünya müharibəsinin baş verəcəyindən qorxaraq münaqişəyə daxil olan deyil.
Hərbi ekspertin sözlərinə görə, ABŞ və Avropa rəsmi Kiyevə yalnız diplomatik və iqtisadi yardım göstərə bilərlər ki, onun da hərbi vəziyyətdə effektivliyi olduqca azdır. O, qeyd edib ki, Rusiyaya qarşı tətbiq edilən hazırkı sanksiyalar Reyqanın Sovet İttifaqına qarşı yönətdiyi tədbirlərin yanında cılızdır. Daha doğrusu, yeni sanksiyalarla Rusiyanın nə energetika, nə də maliyyə sisteminə toxunulub. Kremlin isə məhz bu sahələrdə ehtiyatları kifayət qədərdir.
Ukraynalı generalın rəyinə əsasən, hər halda Kremldə də Azov dənizindəki situasiyanın Rusiya üçün zərbə vuracağını anlayanlar var.
Qeyd edək ki, Romanenkonun sözlərinə Rusiya tərəfindən Federasiya Şurasının xarici əlaqələr komitəsinin üzvü Sergey Tseekov reaksiya verib.
“Bu adamlar nə dediklərini belə bilmirlər. Rusiya bu cür ehtimallara görə heç kimə əsas verməyib. Situasiyanın hərbi yola doğru yönəlməsində hər şeydən öncə ABŞ maraqlıdır”,- deyə Stekov bildirib.
Hər halda Rusiyalı senator Rusiya tərəfindən Azov dənizinin Ukrayna gəmirlərinə bağlanmasını istisna etməyib.(musavat.com)
pia.az