“Avropa ordusu böhran anlarında cəld reaksiya verə bilməlidir”

Alman generalın fikrincə, Almaniyanın özünü müdafiə etmək qabiliyyəti var: “Lakin Almaniyanı ayrılıqda NATO və Avropa Birliyindəki tərəfdaşları olmadan götürmək olmaz. Biz BMT, NATO və Avropa Birliyinin keçirdiyi bütün əməliyyatlarda iştirak edirik”.

General Eberqard Sorn hazırda döyüş hazırlığı ilə bağlı aktual problemi NATO-nun çoxmillətli hərbi kontigenti ilə deyil, “soyuq müharibə”dən sonra tank sayının kəskin surətdə azaldılması ilə bağlayır: “2001-ci ilin 11 sentyabr terror aktından sonra Bundesverin əsas diqqəti dünyanın müxtılif bölgələrində həyata keçirilən əməliyyatlara yönəldildi. Krımın işğalından sonra isə artıq öz ərazilərimizin qorunması problemi yarandı”.

Fransa prezidenti Emmanuel Makronun Vahid Avropa ordusu fikrinə də toxunan general E.Sorn bunu təqdirəlayiq hesab edir: “Vahid Avropa öncə böhran vəziyyətlərində cəld reaksiya vermək imkanına malik olmalıdır. Avropa Birliyi bu sahədə əməkdaşlıq imkanlarını gemişləndirir.

Ümumavropa təhlükəsizlik sisteminin qurulmasında qısa adı “Pesco” olaraq ifadə edilən “Daimi strukturlaşdırılımış əməkdaşlıq” Avropa Müdafiə ittifaqının yaradılması üçün ilk addım sayılır. Biz istənilən hücumu dəf etməyə qadır ola biləcək milli silahlı qüvvələrdən ibarət ordunun qurulması üzərində iş aparırıq”.

General hazırda əsas təhdidlər olaraq beynəlxalq terrorizmi, kiberhücumları və NATO üzrə tərəfdaşların müdafiəsi sahəsindəki təhlükələri sıralayıb.(musavat.com)

pia.az