“Kollektiv Təhlükəsizlik Müqaviləsi Təşkilatı erməni tərəfinin xeyrinə qərar çıxara bilməz”
Bu sözlər qatı ermənipərəst rusiyalı ekspert Vladimir Yevseyevin dilindən səslənib.
Yevseyevin fikrincə, Ermənistanın Yuri Xaçaturovdan sonra bu vəzifəni əlində saxlaya bilməyəcəyi hələ yaydan bəlli olub.
“Moskva Yuri Xaçaturovdan ötrü digər üzv ölkələri bir il ərzində yola gətirməli olmuşdu. Xüsusilə Qazaxıstan lideri Nursultan Nazarbayevin Ermənistan namizədinin əleyhinə olduğunu unutmaq olmaz”,-deyə Yevseyev bildirib.
Yevseyevin sözlərinə görə, hazırda KTMT daxilində hansısa böhrandan danışmaq mümkün deyil. Bütün təşkilatlarda onsuz da problem olur. KTMT-də Qazaxıstan kimi dövlət Azərbaycanı dəstəkləyir. Lakin təşkilatda Ermənistanın tərəfini tutanlar da var.
“Daha doğrusu, bir dövlət var. Heç kimə sirr deyil ki, Ermənistanın təhlükəsizliyinin təminatçısı KTMT yox, Rusiyadır. Bu səbəbdən rəsmi İrəvan Belarus nümayəndəsinin baş katib olmasına əngəl törətməməlidir.(musavat.com)
pia.az