Belarus Prezidenti Aleksandr Lukaşenko Azərbaycan Prezidenti İlham Əliyevlə bazar ertəsi, noyabrın 19-da danışıqlar aparacaq
Bu barədə “Sputnik Belarus” nəşrinə Belarus liderinin mətbuat xidmətindən məlumat verilib.
Bildirilib ki, danışıqlar Müstəqillik iqamətgahında “təkbətək” formatda və geniş tərkibdə keçiriləcək.
Prezidentlər iki ölkə arasındakı mövcud əlaqələri və bu əlaqələrin inkişaf perspektivlərini ətraflı müzakirə edəcəklər, həmçinin beynəlxalq məsələlər üzrə fikir mübadiləsi aparacaqlar.
“Danışıqlar zamanı əsas diqqət iqtisadi-ticari və investisiya əməkdaşlığına, eləcə də, birgə layihələrin reallaşdırılmasına yönələcək”, - mətbuat xidmətindən dəqiqləşdiriblər.
Prezidentlər nəqliyyat və logistika, səhiyyə, təhsil, IT, idman, turizm və digər sahələrdə əməkdaşlığa dair də müzakirələr aparacaqlar.
pia.az