Rusiyanın İstintaq Komitəsi (RİK) "AyBaRus" ticarət evinin və “Aysel” şirkətinin sahibi Elçin Əhmədov barəsində araşdırmanı dayandırıb
Onu üç il əvvəl törədilmiş soyğunçuluqda ittiham edirdilər.
"Kommersant'" bildirir ki, Rusiyaya xaricdən meyvə-tərəvəz idxal edən ən iri təchizatçılardan biri dünən öz vəkili Aleksandr Narışkinin müşayiəti ilə Bakıdan Moskvaya gəlib. Düzdür, RİK onun axtarışını ləğv edib, amma Əhmədova vəkil onsuz da lazım olub, çünki sərhədçilərin məlumat bazasında o hələ axtarılan şəxs hesab olunurdu. Bütün təfsilatları aydınlaşdırmaq və biznesmeni ölkəyə buraxmaq üçün təxminən bir saat vaxt itirmək lazım gəlib...
Növbəti gün Əhmədov yenə vəkillə birlikdə RİK-in Baş istintaq idarəsinə yollanıb. Orada xüsusi işlər üzrə müstəntiq vəkil araşdırmasının nəticələrini yoxlayıb, biznesmenin özünün ifadələrini alıb, başqa istintaq hərəkətləri keçirib və E.Əhmədova qarşı cinayət təqibinin dayandırılması haqqında qətnamə çıxarıb.(virtualaz.org)
pia.az